KICO TA FUNDACION PA NOS MUCHANAN?

KICO TA FUNDACION PA NOS MUCHANAN? 

FPNM a lanta 12 di juni 1991 y tin como guia, Declaracion Universal di Derechonan di Mucha y Tratado
di Derecho di Mucha, proclama pa Nacionnan Uni. FPNM ta un organisacion "non -profit".

Meta

Mehora calidad di cuido, guia y educacion di mucha di 0 – 12 aña door di sostene educadornan y duna
informacion tocante educacion na publico en general.

Educadornan

Ta encera mayor, familiar, lidernan di centro di cuido y guia di mucha y otro personanan cu tin di haci cu
educacion di mucha.

Vision

FPNM su vision ta cu muchanan di 0 pa 12 aña na Aruba ta haya e educacion cu ta duna nan tur
oportunidad y stimulacion pa un desaroyo optimal, di mayor y educadornan cu ta hiba derechonan di
mucha den practica di tur dia.

Mision

Pa medio di training y informacion den sentido mas amplio di palabra, FPNM ta capacita mayor y
educadornan, pa logra efectua un desaroyo optimal di muchanan di 0 pa 12 aña na Aruba, basa riba
derechonan di mucha. FPNM continuamente ta optimalisa su servicio door di mantene su mes na altura
di innovacion y trendnan local y internacional riba tereno di educacion. Ademas FPNM ta forma
relacionnan strategico cu organisacionnan gubernamental y no gubernamental pa traha hunto na
beneficio di e muchanan.

Caracter di trabao di FPNM ta preventivo, esta e atencion y informacion cu ta duna ta pa preveni mas
tanto posibel cu problema ta surgi den educacion di e mucha.