Campañia di Carnaval 

Flyer campaña earplugs

Kico nos por nifica pa abo, mayor?

Conseho y guia

Duna conseho riba pregunta y/of preocupacion relaciona cu educacion di bo yiu y organisa curso pa
mayor tocante educacion di mucha di cero pa diesdos aña.

Charla

Organisa seminario, charla of tayer pa mayor relaciona cu educacion di yiu. Riba peticion por duna
charla na scol, na trabao of na un centro di mucha.

Material

Tin varios material informativo tocante educacion di mucha di cero te cu diesdos aña (foyeto,
revista Apoyo y posters etc cu informacion riba diferente topico)

Articulo den corant y facebook

Ta publica articulo den corantnan tocante topiconan cu tin di haber cu educacion di mucha.
Ariba pedido di mayor, nos por duna un copia di e articulo y asina por pasa busca esaki na FPNM
libremente.

Lista di centro

FPNM ta produci un lista di tur e centronan cu ta conoci pa FPNM. E lista aki ta disponibel pa tur
mayor cu ta busca un centro pa su yiu. E lista no ta un lista di recomendacion pero FPNM por duna
mayornan conseho y indicacion con pa scoge un centro di calidad. Finalmente e mayor mes mester
scoge e centro di cuido pa su yiu.

Lista di actividad y guia escolar

Varios lista disponibel: lista di centro di cuido y guia pa mucha, actividadnan pa mucha despues di scol,
actividadnan den vacacion escolar, huiswerkbegeleiding y bijles.

Opvoedvisie

Comision "Opvoedvisie", cu Fundacion Pa Nos Muchanan tambe ta forma parti di dje, a traha un video
tocante e vision di lantamento di mucha y hoben na Aruba, esta vision di educacion. Cera conoci cu e
vision, hunto cu e 6 puntonan basico riba cua e vision aki ta ancra.