Mayor ta pa semper, aunke no ta bou mes un dak 

Img 20190525 wa0002
25 di mei 2019, Fundacion Pa Nos Muchanan (FPNM) a organisa un seminario cu tin como titulo “Mayor ta pa semper, aunke no ta bou mes un dak” unda a enfoca riba e e diferente aspectonan di divorcio y separacion.
E seminario a habri cu un presentacion di Grupo Brasil Aruba Capoeira y Grupo Abada Capoeira unda nan a usa e forma di arte di capoeira pa demonstra un famia cu ta den e proceso di divorcio.
 E seminario a sigui cu e prome orador, Sra. Enid de Kort kende ta un terapista di famia y pareha na Departamento di Asunto Social, cu a papia tocante e diferencia entre divorcio riba un nivel di pareha y e nivel di mayor y e importancia pa keda riba e nivel di mayor ora ta envolvi yiunan.
Sra. Shaska Kock, un ortopedagogo tambe di Departamento di Asunto Social, a sigui cu su presentacion tocante e efectonan cu separacion tin riba e yiunan y con e efectonan ta cambia segun e fase di desaroyo cu e mucha ta aden. Sra. Kock a ofrece diferente tips pa yuda e mayornan minimalisa e efectonan di separacion riba e yiunan.
Despues di esaki, Sra. Yahaira Maduro, un Juridisch Deskundige di Directie Voogdijraad a presenta e aspectonan legal di divorcio y separacion. Sra. Maduro a duna un splicacion riba 4 terminonan legal (gezag, hoofdverblijfplaats, omgangsrecht, alimentatie) cu ta importante pa compronde ora ta regarda yiunan menor di edad.
A sigui e seminario cu un otro presentacion di Sra. Enid de Kort unda a pone enfasis riba e reto y caracteristicanan di un famia mixto (“blended family”) cu ta wordo forma hopi despues di un divorcio of separacion.
E seminario a clausura cu un discusion di panelistanan unda a contesta varios preguntanan di e participantenen di e seminario.
FPNM kier a gradici cada persona cu a forma parti na e seminario aki y tambe gradici Setar pa nan contribucion.
  read more

Dia Pedagogico 2019

Dia
12 di april 2019 Fundacion Pa Nos Muchanan (FPNM) a organisa su di cinco Dia Pedagogico dirigi principalmente pa profesionalnan trahando den Centro di Cuido y Guia di Mucha na Aruba (Creche y traimerdia). Dia Pedagogico ta un dia di estudio y tin como meta pa eleva conocemento di esnan cu ta ofrece cuido na nos muchanan.

E tema e aña aki tabata, “Ami tambe ta importante, Taking care of myself so I can take care of others”. Mirando e hecho cu e lidernan tin un tarea sumamente importante y responsabilidad grandi, ta importante pa a lider como persona ta ok cu su mes pa asina e por brinda e cuido necesario na e muchanan cu e ta cuida. Un lider cu ta conciente di su mesun salud y cuido propio, lo por brinda hopi mas di su mes na e muchanan. Esaki ta importante mirando cu e lider ta forma un parti grandi den e mucha su bida. Mayoria mucha ta pasa mas tempo na Creche cu su mayornan pa motibo cu mayornan mester traha. Pa es motibo aki ta asina importante pa e lider realisa cu su estado general tin influencia riba e clima pedagogico, experencia di e mucha den e Centro. Hunto cu mayornan e ta forma e base firme pa e muchanan den e Centro.


E dia a cuminsa cu un ‘motivacional speech’ di Leonardo Phillips cu e pone enfasis riba e importancia di bo rol como lider y pa kere den bo mes y bo ablidadnan como persona. Despues di esaki a sigi un introducion chikito dor di e Team FPNM sigi pa un baile pa pone tur hende den movicion prome cu e workshops. E baile a keda encarga di sra. Monica Peña ken a laga e lidernan move riba e cantica ‘ When jesus say yes nobody can’t say no’. Despues di esaki a sigi cu e parti plenario.

 Parti mainta 5 diferente workshops relaciona cu e tema a wordo ofreci, entre otro;
-“Con pa maneha bo bida personal y bida profesional” duna pa Dorilis Werleman, cual a ekipa e lidernan cu diferente ‘tips & tricks’ con pa mantene bo bida di cas y bida di trabou den balans;
- “Bo estado emocional ta den bo man” duna pa Enid de Kort cu a enfoca riba e reconocemento di disbalansa emocional  den bo bida y con pa traha riba esaki;
- “Mi mente y curpa den harmonia”   duna pa Shanti Augusta cu siña e lidernan e importancia di hala rosea medita y trankilisa y con esaki por wordo hasi.
 - “Using the power of emotions to boost your confidence” duna pa Jermin Bell caminda cu e lidernan a siña difrente manera con bo por usa bo emocion pa engrandese confiansa den bo mes.
 -“Taking care of yourself”  cu a ser duna pa Gady Kock cu a papia riba muscle testing y meditacion.

Parti atardi e lidernan a haya e oportunidad pa haya informacion y cumpra diferente mercancia cu ta relaciona cu e tema di dia.  Organisacionan cu a  participa na e mercado ta: Purely Green; Alfresco; IBiSA; Curiousa; Footfit/Backstage; Maggy’s; Cosecha; Paper Sisters; Plaza Book Store.

FPNM kier a felicita e Centronan cu a participa na Dia Pedagogico 2019 y tambe gradici e cabesantenan y mayornan di e muchanan di e Centronan pa nan cooperacion pa asina e lidernan por a forma parti di e dia di estudio aki.
FPNM ta gradici Aruba Airport Authority, Quota International of Aruba, Setar NV Aruba, Aruba Aloe, Aruba Via Rentals , Marietje Printing y Maggy’s Aruba pa nan contrubicion y pa nan tremendo servicio  Tambe e instructornan y e voluntarionan di Universidad di Aruba pa nan tremendo trabao durante e evento.
Por ultimo FPNM kier a informa e diferente Centronan cu pa 2020, FPNM lo bolbe organisa Dia Pedagogico un bes mas y ta spera nan tur cu e mesun entusiasmo.
  read more

Dia Pedagogico 2018

Screen shot 2018 05 30 at 10.15.1020180530 29208 1tyq1vy
Esaki ta di 4 aña cu Fundacion Pa Nos Muchanan (FPNM) ta organisa Dia Pedagogico. E ta un dia di estudio pa tur persona cu ta traha den un Centro di Cuido di mucha caminda cu 170 lider (leidster) di e diferente Centronan di Cuido di mucha a participa na e tayer aki.
E tema di e dia aki tawata: “E Arte di Creatividad”. Meta di e dia aki, tawata pa trece na un manera educativo e importancia cu Arte y Creatividad tin den un Centro di Cuido di mucha.
A cuminsa e mainta aki cu un “ice breker” cual tawata un cantica cu tawata na encargo di sra Raquel Lampe pa asina e lidernan drenta den e esfera creativo jen di goso y animo.
Pa loke ta trata Dia Pedagogico 2018,  tawata tin 8 diferente workshop pa cual e lidernan a wordo reparti den 8 diferente grupo. Aki e lidernan por a forma parti di e sigiente workshop nan manera: Musica, Canto, Baile, Crafting, Poppenkast, Cosemento, Poesia y Pintamento.
Depues di esaki a pasa pa un evento special duna un bes mas dor di sra Raquel Lampe, caminda tur hende a reuni den e sala principal y a haci un actividad yama “The Rain” hunto. Un actividad cu a hala atencion di cada lider cu a participa na Dia Pedagogico 2018. Tambe prome cu e lidernan a bai cas, nan a haya e oportunidad pa expresa na propio creatividad riba un canvas grandi. Un dia sumamente interesante ja cu manera nos sa mayoria biaha e lidernan ta esnan cu ta duna instruccion na e muchanan. Pero e dia aki, ta e lidernan tawata haya instruccion di e diferente instructor nan.
FPNM kier a felicita e Centronan cu a participa na Dia Pedagogico 2018 y tambe gradici e cabesantenan y mayornan di e muchanan di e Centronan pa nan cooperacion pa asina e lidernan por a forma parti di e dia di studio durante un dia di trabou.
FPNM ta gradici Riu Palace, Quota Club Aruba, Harley Davidson Camacuri, Medic cosmetic Aruba, La Linda, Dowco y Renaissance Convention Center pa nan tremendo servicio. Tambe e instructornan y e voluntarionan di Universidad di Aruba pa nan tremendo contribucion na e evento aki.
Por ultimo FPNM kier a informa e diferente Centronan cu pa 2019, FPNM lo bolbe organisa Dia Pedagogico un bes mas y ta spera nan tur cu e mesun entusiasmo.
read more

Conferencia  "Participacion como responsabilidad comparti"   mei 2018

Dia 14 pa 16 di mei ultimo a tuma lugar na Hilton Hotel Curacao un conferencia titula "Participacion como responsabilidad comparti" organisa pa Taskforce Derecho di Mucha cu tin representacion di cada partner den reino Hulandes. Como miembro di "Commissie Opvoedvisie", Fundacion Pa Nos Muchanan a forma parti di e delegacion Arubano na e conferencia aki. E comision lanta na 2016 pa decreto ministerial, a traha riba vision pa educacion di mucha ancra riba 6 puntonan basico pa garantisa un desaroyo optimal di mucha y hoben na Aruba. Sra. Maria Vrolijk a representa FPNM na e conferencia.